Programi “Shiko kush Luan” i moderuar nga Luana Vjollca në Tch është mbyllur prej disa kohësh, ndërsa dje janë fshirë gjurmët e tij edhe në rrjetin social Instagram ku faqja me të njëjtin emër si emisioni kishte më shumë se 100 mijë followers.
Tashmë faqja ka marrë emrin “Dancing with the Stars”, programi më i ri që do të startojë së shpejti në Top Channel nën moderimin e Bora Zemanit.
Me fshirjen e materialeve dhe ndryshimin e emrit në faqen “Shiko kush Luan”, investimit të Luana Vjollcës i ka ardhur fundi.
Lajmeve për këtë ndryshim u është përgjigjur edhe vetë Luana ose të paktën kështu lë të kuptohet nga një postim.
“Mos ja qani hallin kalorësit që i varen këmbët”, ka shkruar Luana në një postim ku shfaqet vetë në foto.
