Futbollisti i famshëm suedez Zlatan Ibrahimoviç është me origjinë shqiptare, dhe ndihet krenar për “rrënjët ballkanike”.
Ylli i Milanit ka postuar në Instagram një fotografi kur ishte fëmijë, mesa duket krah gjyshit të tij, ndërsa shkruan “rrënjë ballkanike”.
Por gazeta e famshme britanike “The Sun” thotë se ndër të tjera Ibrahimoviç ka edhe origjinë shqiptare.
Ibrahimoviç ka origjinë boshnjake dhe kroate. Babai i tij është Shefik Ibrahimoviç, një mysliman nga bosnja. Ndërsa mamaja, Jurka është katolike nga Kroacia, gjysmë shqiptare.
Pra Ibrahimoviç është ¼ shqiptar. Prej kohësh kanë ekzistuar teori për origjinën shqiptare të Ibrahimoviç, për shkak të të atit që është mysliman nga Bosnja, vend ku jeton një popullsi e konsiderueshme shqiptarësh, shumica e të cilëve fatkeqësisht, sot identifikohen si boshnjakë.
Gazeta britanike thotë se dy prindërit e tij emigruan në Suedi, ku u njohën dhe u martuan. Ibrahimoviç ka luajtu dhe fituar tituj me ekipe të mëdha si Paris Saint-Germain, Ajax, Milan dhe Barcelona.
