Energjia bëhet shqetësim i madh edhe për qeveritë e vendeve të zhvilluara dhe me standard të lartë ekonomik. Zvicra po diskuton që të dënojë me bu rgim deri në tre vjet këdo që ngroh banesat e tyre mbi 19 gradë Celsius këtë dimër. Kjo masë drastike vjen si pasojë e planit energjitik për racionimin e gazit për shkak të luftës në Ukrainë.
Në ndërtesat me ngrohje me gaz, temperatura e brendshme nuk duhet të kalojë 19 gradë, uji i nxehtë mund të nxehet vetëm në 60 gradë dhe radiatorët me ajër të nxehtë do të ndalohen. Saunat dhe pishinat duhet të qëndrojnë joaktive.
Ata që shkelin udhëzimet e qeverisë rrezikojnë gjobë apo edhe bu.rgim! Shkeljet me dashje të udhëzimeve mund të rezultojnë me një dënim deri në tre vjet burg. Edhe në rast të shkeljes nga pakujdesia të masave, është e mundur një gjobë deri në 180 ditë.
Sipas mediave zvicerane, kjo parashikohet nga Ligji Federal për Furnizimin Ekonomik të Vendit, të cilit Departamenti i Ekonomisë (DEF) i referohet shprehimisht në një dokument zyrtar.
Duke folur për Blick, Markus Sporndli, i cili është një zëdhënës i Departamentit Federal të Financave, shpjegoi se shkalla e gjobave në bazë ditore mund të fillojë nga 30 franga zvicerane.
Ai shtoi se gjoba maksimale mund të jetë deri në 3,000 franga zvicerane. Rregullorja e re parashikon gjithashtu se kompanitë që qëllimisht tejkalojnë kuotat e tyre të gazit mund të përballen me ndëshkime administrative.
Ngrohësit me rezistenca nuk do të lejohen ndërkohë që pishinat dhe saunat do të duhet të qëndrojnë të ftohta. Lidhur me masat e reja të propozuara, kantonet e Zvicrës kanë afat deri më 22 shtator për të paraqitur çdo shqetësim.