Sekretari amerikan i Shtetit Antony Blinken është takuar me presidentin ukrainas Volodymyr Zelensky të enjten në Kiev, shkruan CNN.
Në një deklaratë, diplomati i lartë amerikan tha se ai e informoi Zelenskyn për paketën e fundit të ndihmës amerikane për Ukrainën, duke vënë në dukje se “Presidenti Biden ka qenë i qartë se ne do të mbështesim popullin e Ukrainës për aq kohë sa do të jetë e nevojshme.”
Unë ia përsërita këtë mesazh Presidentit Zelensky dhe ekipit të tij sot në Kiev, i cili është dhe do të mbetet kryeqyteti i një Ukrainë sovrane dhe të pavarur.
Blinken njoftoi gjithashtu se administrata kishte informuar Kongresin e SHBA-së për “që llimin e saj për të miratuar 2.2 miliardë dollarë për të forcuar sigurinë e Ukrainës dhe 18 fqinjëve të saj; duke përfshirë shumë nga aleatët tanë të NATO-s, si dhe partnerë të tjerë rajonalë të sigurisë, potencialisht në rrezik të agresionit të ardhshëm rus.
“Shtetet e Bashkuara po ofrojnë ndihma së bashku me aleatët dhe partnerët tanë nga më shumë se 50 vende për mbrojtjen e Ukrainës.
Aftësitë që ne po ofrojmë janë të kalibruara me kujdes për të bërë sa më shumë ndryshime në fushën e betejës, “tha Blinken.