“Numërimi mbrapsht i Tiranës drejt katastrofës”, thuhet në foton e dërguar nga hakerët.
Gazetarja Klodiana Lala ka siguruar mesazhin që iu ka shkuar në kompjuterë punonjësve të pikave kufitare mbrëmjen e të premtes, kur sistemi i ruajtjes dhe transmetimit të të dhënave në Policinë e Shtetit u gjend nën një sulm kibernetik të ngjashëm me atë që pësoi e-Albania në muajin korrik.
Mësohet se hakerat kanë publikuar në Telegram edhe një video nga kamerat e sigurisë së pikave kufitare. Në video shihet punonjësi i pikës kufitare teksa procedon me udhëtarët dhe në një moment, del nga sistemi.
Ai provon sërish dhe sërish ndodh e njëjta gjë.