Mbreti Charles III do të bëjë vizitën e tij të parë si monark të enjten në Irlandën e Veriut, si pjesë e një turneu në Mbretërinë e Bashkuar.
Ai do të takohet me krerët e partisë së Stormont dhe do të marrë një mesazh ngushëllimi nga kryetari i Asamblesë.
Bashkëshortja Mbretëreshë Camilla do ta shoqërojë atë, si dhe Kryeministrja Liz Truss do t’i bashkohet çiftit mbretëror në një shërbesë kishtare në Belfast.
Charles III u bë Mbret pas vdekjes së nënës së tij, Mbretëreshës Elizabeth II, më 8 shtator. Të hënën më 19 shtator do të zhvillohet funerali i monarkes, një ceremoni ku do të jenë të pranishëm liderët botërorë.